Treasury khar a ngai - MPYCC

Mizoram Pradesh Youth Congress Committee (MPYCC) chuan thuchhuah siamin, hun rei lote ZPM a sorkar chhungin Treasury khar (stop payment) a ngaih thu an tarlang.

MPYCC chuan ZPM chu enchhin tura inzuar, financial management thiam leh ṭha zawk mipui entir tumtu an nih thu tarlangin, "Sorkarin thla thum pawh an la sorkar tlin hma hauha Treasury khar (Stop Payment) a ngai ta mai hi pawi kan tiin lungchhiatthlak kan ti takzet. Ni 50 chhung chauh an kal chhungin open market borrowing hmangin cheng vbc.80 puk an tum leh der tawh," a ti.

Mizoram sum harsat zia leh in renchem ngaihzia hre reng chunga duhsak zâwngte vulh nan leh lungawi lo thlèm nan chief minister adviser hautak lutuk ruatte chuan inrenchemna kalpui an tum lohzia a tichiang nia tarlangin MPYCC chuan, an sum renchem loh phuhrukna atan mipui harsatna chhâwk zangkhai aia phur tirit tura tui bill tihsan tuma hma laah ZPM sorkar an puh.

MPYCC chuan ZPM sorkar chetdan chuan Mizoram mipui an zah loh leh pawisak lohzia a tihchian thu tarlangin, "Enchhin tura inzawrh chu mipui bumna maiah kan ngai," a ti a, Mizoram sum dinhmun hre chunga ruahmanna siama hmala turin Mizoram sorkar an ngen.