Ran khuahkhirhna thupek bawhzui
Lawngtlai DC-in an district chhunga ran khuahkhirhna thupek a tihchhuah tawh chu nimin khan Lawngtlai District Level Committee on Animal Control member-te'n bawhzuiin, Lawngtlai khawpuia ran khuahkhirh dan an enfiah.
Lawngtlai district-a buh leh bâl leh huan thlai te, mihring leh ran vulh dangte a him theih nan te, khawtlang a faia a thianghlim zawk theih nante Lawngtlai DC chuan August 18, 2020 khan an district chhunga ran khuahkhirhna thupek a chhuah a ni.
Bawrhsap thupek bawhzuitu Committee member-te chu nimin khan Lawngtlai SDC K Lalhlimpuia hoa thawk chhuakin, khawpui chhung an fang a; khawlaia khuahkhirh loha ui chhuakte chu manin, a neitute hnenah chhuahtir tawh lo turin an hrilh. Committee chuan, VC leh YLA-te chu an veng ṭheuhah ran khuahkhirhna thupek chu khauh zawka kengkawh turin an ngen.