Chona anga hmachhawn turin fuih

Sports & Youth Ser­vices minister Lal­nghing­­lova Hmar chuan nimin khan Secretariat conference hall-ah SYS department hotute Mizoramin February 19-29, 2024 chhunga Khelo India University Football 2024 a thlen dan tur a sawipui a; huphurh loa chona anga hmachhawn turin department hotute a fuih.

Lalnghinglova Hmar chuan, National Level Sports promotion program pawimawh Khelo India University 2024 Mizoramin a thleng tur chu lawmawm a tih thu a sawi a, "He event liantham tak leh hautak angreng si hi a huphurh ang zawnga la loin, chona angin hmachhawn ang che u," a ti a; tun ṭuma Khelo India University Football hi Mizoramin sports event liantham zawk a dawn leh hun atana inpuahchahna ṭha tak a nih thu a sawi.

Khelo India University Football 2024 neih chhung hian Mizoram chuan football bikah India rama university hrang hrang football team pariatte February 19 - 29, 2024 chhungin a mikhual dawn a ni.