February 10 ral hma-a ILP nei turin hriattir

MSU executive nimina ṭhukhawm chuan Inner Line Regulation dan anga hnamdang Inner Line Permit (ILP) neih ṭul, la nei lote chu February 10, 2024 ral hma ngeia an permit tifel turin an hriattir.

MSU chuan Home Minister hnena an lo thlen tawh angin ILP, Bengal Eastern Frontier Regulation 1873-in a phut ang leh general category an nih ang ngeiin Meitei-te pawhin ILP an nei tur a nih thu tarlangin MSU chuan, "Chuvangin Meitei dan loa khawsa zawng zawngte pawh February 10 ral hmaa permit tifel turin kan chah nghal a ni," an ti.

MSU tarlan danin, huntiam hnu lama danin a phut anga permit la fel lote chungah khauh takin hmalak a ni dawn.