Ramsa leh sava tawlhruk tur man

Assam Rifles leh Environment Forest & Climate Change (EFCC) mi leh sate chuan January 31, Nilaini khan ram pawn aṭanga dan loa ramsa leh sava lakluh eng emaw zat an man.

Assam Rifles leh EFCC mi leh sate chuan dan loa ramsa leh sava tawlhruk tum an awm tih report an dawn bawhzuiin joint operation an nei a; Vanlalthlana (20), Zion Street, Aizawl leh Vachhonia (29), Serkawr, Siaha nia inchhalte hnen aṭangin bawm chhunga dah sava leh ramsa hi an man. Vanlalthlana leh Vachhonia hi thubuai siamsak an ni a, jail-ah dah nghal an ni.

Ramsa leh sava an mante chu solomon cock­a­too 10, posque's parrot pahnih, sumsi pakua, rul 10, laiking 16 leh marmoset monkey pahnih a ni.

Tarlan tawh ṭhin angin dan loa ramdang aṭanga lakluh ramsa leh savate hi man an nih chuan Aizawl Zoological Park-ah dah ṭhin an ni.