Central YMA leh NHIDCL hotute an inkawm

Nimin tlai khan Central YMA hruaitute chuan an pisa-ah Mizorama inkalpawhna kawngpui siam hna thawktu NHIDCL hotute an kawm.

CYMA hruaitute chuan Mizoram hmun hrang hranga NHIDCL-in kawngpui an laih meka harsatna awm leh chinfel ngai ni a lang sub-hqrs. YMA leh group YMA aṭanga report an dawnte an sawipui.

Mizoramin kawngpui ṭha a neih theihna tura theihtawp chhuah zel tur leh harsatna an neihte pawh an hnena thlen zel turin CYMA hruaitute chuan NHIDCL hotute an hriattir.

CYMA hruaitute chuan Vairengte leh Sairang inkar four lane kawng laih tur chungchanga harsatna awmte lo en zui a, sorkar hotute an lo sawipui tur thu pawh an sawi.

NHIDCL hotute chuan CYMA chu harsatna an tawh apianga an tlan luhna ṭhin a nih thu leh an hnathawhte pawh a ṭul anga enho zel an duh thu sawiin, kawng laih meka harsatna awmte leh compensation chungchanga harsatna awmte chu an lo enfiah tur thu an hrilh.