Inthlan sawn tumna awm lo

August 27, 2020-a village council (VC) leh local council (LC) inthlan tur sawn tumna a awm niin nimin khan social media-ah thuthang a awm a, hei hi thu dik a nih loh thu leh inthlan hun sawn tumna a awm loh thu, thuneitute aṭangin dawn a ni.

State Election Commission (SEC) hotute aṭanga Vanglaini thu dawn danin, inthlan chungchangah thuthar a awm lo a, August 27, 2020-a inthlang turin inbuatsaihna an kalpui zel. Mizoram sorkar aṭangin inthlan sawn hla tura ngenna thu thar dawn an nei lo.

Tarlan tawh angin, Congress party, Zoram Peoples' Movement leh BJP-te chuan VC leh LC inthlan hi Covid-19 hripui léng vangin sawn an duh. MPCC president Lal Thanhawla leh BJP president Vanlalhmuaka te chuan ziakin SEC-ah ngenna an thlen tawh a; ZPM leh MPCC chuan thuthar thehdarhtute kaltlangin SEC leh state sorkar an ngen tawh bawk.