Session-in ni 3 a awh dawn

September 1, 2020-a ṭan tur Legislative Assembly session chuan ni thum a awh dawn. Session hun chhung tur leh programme turte chu nimin khan speaker Lalrinliana Sailo kaihhruai Business Advisory Committee-in an rêl a ni.

Assembly BAC-in a rêl dan chuan, session ṭan níah session liam ta leh tun ṭum session neih tur inkara MLA thi mi panga sûn a ni dawn a, zawhna leh chhànna hun hman a nih dawn bakah, sorkar thil pawimawhte ngaihtuah a ni ang. September 2-3 ah chuan zawhna leh channa hun hman a ni ang a, sorkar thil pawimawh ngaihtuah tur a awm chuan ngaihtuah a ni bawk ang.

Thuthar thehdarhtute zawhna chhangin speaker Lalrinliana Sailo chuan, Covid-19 léng mah se, ram danpuiin Assembly session ṭhutkhawm hnuhnung ber leh a dawt leh turah thla 6 aia tam a tla tur a ni lo, a tih avangin session chu kaltlangpui a ngaih thu a sawi.