Court-in thiam loh a chantir LADC CEM bang turin an phut

Lawngtlai District Students’ Association (LDSA) chuan thuchhuah siamin, Lai Autonomous District Council (LADC) chief executive member (CEM) V Zirsanga chu Special Court-in eiruk thubuaiah thiam loh a chantir avangin CEM aṭanga banna a rang thei ang bera thehlut turin an phut.

LDSA chuan V Zirsanga chu Special Court-in eirukna leh dik lo taka zirtirtu lakna thubuaiah thiam loh a chantir tih tarlangin, "Pu V Zirsanga hi LADC hotulu ber nihna chelh tlakah kan ngai tawh lo. He hna zahawm tak, mipui aiawha Lai rama hotulu ber nihna dinhmun hi amah pawhin chelh tlak a ni tawh lo tih inhriain banna thehlut sela kan duh," an ti.

Mipui pawisa eirukna mai bakah, ram future naupangte zirtirtu tur dawt hmanga la hreh loah V Zirsanga hi puhin LDSA chuan, "Tuna kan Lai ram dinhmun piah lamah Lawngtlai district pumpui ang pawhin hma hun a tichhia a ni tih hi V Zirsanga hian in hria se kan duh," an ti bawk.