MLA inthlan dawna mi vautu man a ni

Mizoram Police-te chuan Mizoram MLA inthlan neih zawh taka campaign laia mobile phone hmanga mi vautu ni ngeia hriat mi pakhat January 30, 2024 zan khan an man a, mi dang chhuizui mek an ni.

Police aṭanga thu­dawn danin, mi vautu ni ngeia hriat an man hi a insawi dan chuan kum 52 mi niin, nupui fanau neiin Thenzawlah kum 10 vel a awm tawh. A sawi dan chuan mi vautu hi amah chiah a ni lo a, state pawna awm HPC (D) Lalhmingthanga Sinate hote'n ti tura an tih ang zelin mi an vau a ni.

MLA inthlan dawn hnaih khan mobile phone hmangin NE Khaw­dungsei, Khawlian leh Daido vela chengte chu mobile phone hmangin an bia a; MNF leh Congress chu sorkar tawh an nih avangin vote 50 bak pe tawh lo turin an vau a ni.