Vaivakawn Zohnuai leimin thianfai dawn; lirthei tlan dan tur tihdanglam a ni

Aizawl Traffic SP Stephen Lalrinawma chuan, PWD-in February 5, 2024 aṭanga Vaivakawn Zohnuai leimin thenfai hna an thawh dawn avangin helai hmuna lirthei tlan dan tur a ti­dang­lam a; thupek zawm lote chu MV (Amen­dment) Act, 2019 hmanga hrem an nih dawn thu a tarlang.

Lirthei tlan dan tur ruahmanna siam hian leimin thenfai hna thawh zawh a nih hma chu a huam dawn a; hnathawh zawh hma chu ni tin zing dar 6-8, chawhma dar 10 aṭanga chawhnu dar 3 leh tlai dar 5 aṭanga zan dar 8 inkarah Vaivakawn Zohnuai kawng hi khar tur a ni.

Traffic SP tarlan danin, engtik lai pawhin LMV leh a hnuai lamte chu Sa­kawr­tuichhun kawng­ah kal theih a ni a, Vaivakawn leh Sakawrtui­chhun inkar kawngah hian nidang aia lirthei tlan a tam dawn avangin kawngpui dungah lirthei leh bungrua dah khap a ni. Harsatna a awm loh nan lo in ruahman lawk turin mipuite hriattir an ni.