KHAWTHLIR

PwD commissioner

Mizoram sorkar chuan Person with Disabilities (PwD) commissioner atan Vanlaldiki Sailo a ruat thar. PwD commissioner hna hi kum 3 chhung emaw kum 65 nih thleng a chelh theih.

Vaihlo ṭhat lohzia zirho

National Tobacco Control Programme (NTCP) chuan nimin khan Kolasib DC Circuit House conference hall-ah Kolasib khawpuia kohhran hrang hrang hruaitute pualin vaihlo ṭhat lohzia zirhona an buatsaih a; NTCP state nodal officer Dr H Lianthangpuia'n hmanpuiin, Global Adult Tobacco Survey, 2016-17 data angin Mizoram chu India rama vaihlo hman nasat lamah pahnihna a nih mek thu a sawi.

MLA-in tlawh

Thorang bialtu MLA R Rohmingliana chuan January 1, Ningani khan a bial chhunga international boundary leh a chheh vel a tlawh a, ramri venhim hna thawktu BSF 184Bn. D Coy Commandant chu ramri dinhmunte a sawipui.

Nuai 1 hlan

Mizoram Civil Service Association hruaitute chuan nimin khan chief minister Lalduhoma hnenah Chief Minister's Relief Fund atan Rs 1,00,000 an hlan a, an pawl thil pawimawh hrang hrang an sawipui. Chief Minister hian tun hnaia MCS website thuam thar a tlangzarh nghal a ni.

Duhsakna hlan

MYC chairman Malsawmzuala Ralte chuan nimin khan a pisaah kumina Union Public Service Commission hnuaia interview hmachhawn tur KC Zalena a kawm. MYC Chairman chuan interview-ah tling ngei turin duhsakna a hlan a; interview tura Delhi a kalna, hawna leh a cham chhunga a senso zawng zawng MYC-in a tumsak tur thu a hrilh.

MPS siksawi an ni

Mizoram Police Service (MPS) ṭhenkhat chu nimin khan an awmna hmun siksawi a ni Home OSD ni lai David H Lalthangliana chu Kolasib SP-ah a awm dawn. Kolasib SP ni lai Lalrinawma Traite chu 4th IR Bn. commandant-ah a awm dawn a, 4th IR Bn. commandant ni lai KL Vulmawia chu Siaha SP-ah a awm ang.