Kulikawn Hospital tihlen dan tur enfiah

February 3, Inrinni zing khan chief minister Lalduhoma hoin Health minister Lalrinpuii, Aizawl South-I bialtu MLA Lalchhuanthanga, chief secretary Dr Renu Sharma, Health department hotute, architech leh khawtlang hruaitute'n Kulikawn Hospital tihlen leh tihchangtlun dan tur a hmunah an enfiah.

ZPM thuchhuah tarlan danin, Kulikawn Hospital hi ṭhangkhat lian zet din ni tawhin Health department-in tunah hian an enkawl mek. Khum 50 awm theihna niin, rilru lama buaina nei enkawl ngaite enkawlna hmun awm chhun a ni.

Health department hian Kulikawn Hospital hmunah hian ram zau ṭha tak la neiin, bialtu MLA Lalchhuanthanga chuan term hmasa aṭang khan a ngaipawimawhin tih len a duh thu hi a lo tlangaupui tawh ṭhin a, tun sorkarah pawh CM hnenah a ngaih­pawimawh thu a thlen a ni.

Tunah hian hospital puitling tur, Aizawl Civil Hospital tih lenna tura ruahmanna kalpui a ni ta a ni.