Roll revision chungchang sawiho

Electoral Roll observer Dr Lalzirmawia Chhangte hoin February 3, Inrinni khan Kolasib district election offi­cial-te'n Photo Elec­toral Roll Special Sum­mary Revision 2024 chungchang an sawiho a; draft electoral roll-ah Kolasib district-a MLA bial pathumah vote nei mipa 30,594 leh hmeichhia 32,861, an vaiin mi 63,455 an awm.

Dr Lalzirmawia Chhangte chuan, Special Summary Revision kalpui meka final electoral roll chu MP inthlanpuia hman tur a nih avangin a pawimawh thu a sawi a, "MLA inthlanpui 2023 neih zawh takah electoral roll leh inthlan kalpui dan felfai leh thianghlim tak a awm a, tun ṭumah pawh electoral roll felfai leh hrisel zawk a awm ngei ka beisei," a ti a, a hun taka final electoral roll rin tlak tak tihchhuah a nih theih nan theihtawp chhuah turin a chah.

Special Summary Revision, 2024 kalpui mekah January 6, 2024 khan Koalsib district draft electoral roll tihchhuah niin, Kolasib district-a MLA bial pathumah vote nei mipa 30,594 leh hmeichhia 32,861, an vaiin mi 63,455 an awm. Final electoral roll hi February 8, 2024-ah tih chhuah a ni ang.