Excise leh CKṬP hruaitute an inkawm

Excise & Narcotics minister Lalnghinglova Hmar hoin nimin khan Secretariat conference hall-ah END hotute leh Central KṬP hruaitute'n February 29 aṭanga March 3, 2024 chhunga Ngopa khuaa KṬP General Conference neih tura zu leh ruihhlo dona kawnga hmalak dan tur an sawi ho.

Ṭhukhawm chuan KṬP chu kohhran ṭhalai member tam ber an nih angin KṬP General Conference hi ṭhalaite zu leh ruihhlo laka fihlim tura infuihna hun atan hman theih ni se an ti.

END hotute chuan a theih ang angin thusawinaah zu leh ruihhloin Mizoram a rùn dante zeh tel dan tur ngaihtuah tur te, ruihhlo vanga ṭhalai mipa thih nasatzia leh zu leh ruihhlo vanga Mizoram tawrh dan statistics sawi uar a, tun aia a do kawngah ṭan lak a ngaih thu sawi uar turtein an ngen a ni.

END hotute hian zu leh ruihhlo dang vanga mitthi leh END hmalaknaa ruihhlo an man dan statistic chu KṬP hruaitute hnenah hian an hlan nghal.