Inthlan kaihhnawih campaign na-ah naupang hman khap tlat a ni - ECI

Election Commission of India (ECI) chuan inthlan kaihhnawih campaign leh hmalakna reng rengah naupang hman khap tlat a nih thu a puang a; thupek bawhchhiatte lakah ngaihhnathiamna a awm dawn loh thu leh an chungah na taka hremna lekkawh a nih tur thu a tarlang.

ECI chuan political party, candidate leh inthlanna kaihhnawiha thawktu zawng zawngte chu engti kawng pawha political campaign leh kawngzawh (rally)-ah naupang hmang lo tur leh poster/pamphlet sem emaw, slogan au chhuah emaw, campaign rally, election meeting leh a dangteah naupang teltir lo turin a hriattir a, "Inthlan kaihhnawiah engti kawng zawng mahin naupang hman a rem lo a, hmanglui an awma man chhuah an nih chuan an chungah ngaih­hnathiamna lantir a ni dawn lo," a ti.

Inthlan kaihhnawiha naupang chhawr luih chungchanga thil tih leh dan kaihhnawih zawng zawngte ṭha taka zawm a nih theih nan District Election Officer leh Returning Officer-te chuan mawhphurhna an neih thu ECI chuan a tarlang a, "An thuneihna hnuaiah thupek bawhchhiat a nih chuan an chungah na taka hremna lekkawh a ni ang," a ti bawk.