Digital Photo Art Exhibition hawn a ni

IPR director Lallianpuii chuan nimin khan a pisa aṭangin Mizoram School of Photography leh Photography Club of Mizoram ten World Photography Day vawi 181-na puala thlalak phochhuahna leh inelna an buatsaih, Digital Photo Art Exhibition & Competition vawi 4-na a hawng.

Lallianpuii chuan, art chu mihring nuna bet, hringnun tihlimtu a nih thu sawiin, "Chumi zingah chuan photography hi thil hlu tak, hmànlai thil awm dan leh chanchinte hmuh theiha vawngtu a ni. Art a nih mai bakah documentation hmanraw pawimawh tak a ni. Thlalak pakhatin thumal 1,000 a tluk tia an lo sawi ṭhin hi a dik hle," a ti.

WPD 2020 Digital Photo Art Exhibition & Competition hi National & International Salon an neih dan zûlzuia buatsaih a ni a, thlalak 244 lutin, mi 37 an tel a ni.