MLA-in hmasawnna hnathawhte a tlawh

Hachhek bialtu MLA Robert Romawia Royte chuan nimin khan a bial chhunga hmasawnna hnathawh hrang hrangte a tlawh.

Robert Romawia chuan Darlak Field-a tuilian danna siam thar a tlawh a, he field hi kum 10 chuang zet fur tuilianin a chim ṭhin avanga hman theih lohin a awm reng a, tuilian danna siam a nih hnuah tuiin a chim thei tawh lo.

Darlak Volleyball Court siam zawh hlim leh basketball court siam mek pawh Hachhek Bialtu MLA hian a tlawh.

Robert Romawia hian Kawrtethawveng khua-a basketball court siam zawh thar leh Govt Kawrtethawveng Higher Secondary School building thar te, Hachhek biala motor-in a la tlawh loh Sotapa khua panna kawng laih mek cheng Nuai 200 senna tur leh Belkhai khuaa motor luh theihna atan cheng nuai 375 senga kawngpui laih thar mekte a tlawh bawk.