Minister-in RCS pisa a tlawh

Cooperation minister PC Vanlal-ruata chuan nimin khan Aizawl Babutlanga Registrar of Cooperative Societies (RCS) pisa a tlawh a; thawktu indaih lohnate hnawh khah chhoh zel tum a nih thu a sawi.

PC Vanlalruata chuan, Coope-ration department chu mipui tan a pawimawh thu a sawi a, "Department dangte nen ṭha taka thawkho tura hmalak a nih theih nan zirchianna kalpui mek a ni a, hmalam pan turin inbuatsaih ang che u. Thawktu indaih lohna post ruakte hnawh khah chhoh zel tum a ni," a ti.

Sorkarin cooperation a ngaih pawimawh thu leh Mizoramah Cooperative Movement a awm theih nan ngaihtuahna thar sèn a ṭul thu sawiin Cooperation Minister chuan, "Kan ramin hmasawnna a hmuh chhoh zel turah pawh a langsar ber department ni thei turin ṭan kan lâk a ṭul," a ti a, griculture-a hmasawnna tak tak thlen turin cooperative society-te nena thawhho a ṭul thu a sawi.

PC Vanlalruata chuan sorkar hna thawhna kawngah thawhhona boruak ṭha a pawimawh tih sawiin, harsatna an neihte a hnenah inthlahrung loa thlen ṭhin turin thawktute a chah.