Sericulture hotute ṭhukhawm

Sericulture department buatsaihin Central Silk Board hotute leh India hmarchhak state hrang hranga Sericulture department hotute chuan nimin khan Thenzawl Golf Course Convention Centre-ah Joint Coordination Committee (JCC) Meeting neih a ni a; hmarchhak state-a sericulture hmasawnna tur hrang hrang an sawiho.

Ṭhutkhawm hi Central Silk Board member secretary P Shiva Kumar-in a kaihruai a; Mizoram pawn aṭangin member 33 an tel. Sorkar thuchhuah tarlan danin, Shiva Kumar hian Mizoram Sericulture department-in Silk Samagra-2 hnuaia project a kalpui mek aṭanga Eri Cocoon a tharte dahkhawmna hmun a tlawh a, phai lama hralhna turte a ngaihtuahpui nghal a ni.