Minister-in Muga Farm leh Fish Broodbank tlawh

Sericulture minister Lalthan­sanga, Fisheries department enkawltu ni bawk chuan nimin khan Thenzawla C Lalṭanpuia muga farm leh sangha pui leh note ṭha siamna fish broodbank a tlawh.

Muga silk hi khawvela silk man to ber a ni a, Sericulture department leh Central Silk Board hmalaknain Muga Project (Augmentation of Muga Culture in Mizoram) hnuaiah chhungkaw 500 tuam tur muga silk thar chhuak chi pangang vulh kalpui ṭan mek a ni.

Fish broodbank hi Pradhan Mantri Matsya Sampada Yojana (PMMSY) aṭanga pawisa hmuh hmangin Thenzawlah siam a ni.

Broodbank-ah hian brooder pond pariat, rearing pond pariat, nursery tank 26, hatchery, office cum laboratory, chowkidar quarter, inspection bungalow, store room leh thildang siam hna thawh mek a ni a; hna 70% vel thawh zawh tawh niin, March 2024 chhunga zawh fel hman tum a ni.