Lawngtlai MJA-in inkhawmpui an hmang

Mizoram Journalist Association (MJA) Lawngtlai district chuan nimin khan Lawngtlai Press Club-ah annual conference an hmang a, IPRO Hmingthanzuala'n a hmanpui.

Hmingthanzuala chuan, MJA member-te chu sorkar langtlang siamna tura mipui hnena thu pawimawh hrang hrang hriattirtu an nih thu sawiin, "Thuthar rintlak lakkhawm leh thehdarh hna chu hna hahthlak tak a nih avangin khawtlang tana rawngbawlna thinlung pu chunga kalpui a ṭul," a ti.

He huan hian MJA Lawngtlai district hruatu thlanna neih a ni a; kum 2024-2026 atana president turin Elvis Lalthangzuala, vice president atan H Lalrinmawia leh treasurer atan Lalngheta Ralte-te an thlang.