MNF-in MNF nih an tlin - ZPM Ṭhalai

ZPM Ṭhalai chuan thuchhuah siamin, Facebook-a account lem (fake) hmanga ZPM leh ZPM leader Lalduhoma, tualthahnaa inhnam­hnawih anga mualpho taka puhtu Rosangpuia Jongte, MNF joint secretary ni mek chu police-in an man thu tarlangin, 'MNF hian MNF nih an lo tlin ber mai,' a ti.

Cyber Crime Police-te'n fake account hmanga mi puhtu an chhui chhuak ta chu lawmawm an tih thu tarlangin ZPM Ṭhalai chuan, "MNF Party hruaituah tlanchhe chunga thubelhchiandawl lo hmanga party dang bei ṭhin an awm hi a pawi kan ti. MNF ministry-a cabinet minister leh a ṭhuihhruai khati zat maiin a thlavang hauha zuitu a nei kha a vanduaithlak kan ti hle," an ti a, MNF-in MNF nih hi an lo tlin ber mai nia an hriat thu an tarlang.

ZPM Ṭhalai chuan tlanchhe chunga party dang beih ching thlavang hauhin Hnam Run hruaitu ṭhahnem tak an che chhuak nia tarlangin, "MNF-in sorkarna an siam laiin an pute kalphung dik lo siamṭha turin an ngaihtuahna leh an thâ lo seng se la chuan Mizoram hi heti em em hian an sawp chhiat kan ring lo," a ti.