Pawisa dahna lem hmanga Inbumna a hluar - IPR Minister

Information & Public Relation (IPR) minister Dr Vanlalthlana chuan tunlai hian pawisa dahna lem hmanga inbumna a hluar thu a sawi.

February 6, Thawh-lehni tlaia Lawngtlai District MJA annual con­ference a hman­puina­ah Dr Vanlalthlana chuan, pung tam zawka pawisa dahna lem hmanga inbumna a hluar thu sawiin, "Khawpui lam aiin thingtlang lamah bum theih tur an zawng nasa," a ti.

IPR Minister chuan rim taka an thawhchhuah pung tam zawk îtna vanga sum dah punna lem hmanga bumna tâwk an awm chho deuh reng tih sawiin, "Mipui lam fimkhur a ngai," a ti a, thuthar thehdarhtute chu hetiang inbumna laka fimkhur tura mipui zirtir tam turin a chah.