Lawngtlai Poshan Abhiyan Committee

Lawngtlai District Convergence Action Plan on Poshan Abhiyan Committee chu nimin khan DC conference hall-ah an ṭhukhawm a, naupang kum 6 hnuai lam, hmeichhe tleirawl, nu naupai leh nau pawm lai neite'n ei tur ṭha an hmuh ngeina tur leh an hriselna tih hmasawnna tura kum 2024-25 chhunga hmalak dan tur an sawiho.

Ṭhukhawm chuan naupang kum 6 hnuai lam, hmeichhe tleirawl, nu naupai leh nau pawm lai neite'n tui thianghlim leh inthiarna felfai an neih theih dan tur te, an chenna, zirna-in leh Anganwadi Centre-te kawlphetha nen thlunzawm a nih theihna tur te, kim taka hmaṭhatna an dawn theihna tura Aaddhar-a ziahluh an nih theihna turte an sawiho a; thlai thar hrisel leh thianghlim an neih theihna turin Anganwadi awmna hmunahte chuktuah huan siam dan turte rêl a ni.

He'ng hmalakna hrang hrang tihlawhtling tur hian Lawngtlai district-a sorkar department leh tlawmngai pawlte thawhho a pawimawh thu an sawi a, hmalaknate uluk taka enzui ni se, an ti bawk.

He hunah hian DIPRO, Women & Child Development, DPO, ICDS, Health & Family Welfare, DRDO, Food & Civil Supply, PHE, P&E, Horticulture, Agriculture, Education leh aiawhte an tel a ni.