KHAWTHLIR

CM Relief Fund

Chief minister Lalduhoma hnenah nimin khan pawl paliin Chief Minister Relief Fund atan Rs 52,750 an hlan. Kulikawn Khasi Veng Unit ZPM-in Rs 10,000, Tlangnuam Unit ZPM-in Rs 20,000, ZPM Republic Unit-in Rs 10,000 leh Mission Vengthlang Zonu Unit, ZPM-in Rs 12,750 an hlan a ni.

MLA-in tlawh

Tuichang bialtu MLA W Chhuanawma, dy. chief whip chuan nimin khan a bial chhung Tlangmawi leh Sialhawk khua a tlawh a, khawtlang hruaitute leh an party hruaitute'n lo dawngsawngin, khawtlang mamawh hrang hrang an enho.

DCDC ṭhukhawm

Aizawl District Cooperative Development Committee (DCDC) chu nimin khan SDC KC Zalena kaihhruaiin DC conference hall-ah an ṭhukhawm a, NABARD, MACB atang te, Fishries, AH&Vety, DRDO department aiawhte leh Aizawl chhung DCO leh DCSO te an tel. Aizawl district huamchhunga Primary Agricultural Credit Societies (PACS)-te hmasawnna tur hrang hrang - inkaihhruaina siam chungchang te, PACS-te computerise chungchang te an sawiho a ni.

VC-te zirtir

Fire Prevention Week kalzelah nimin khan Local Administration department leh Environment, Forests & Climate Change department ṭangkawp chuan google meet kaltlangin Champhai district-a village council member-te pualin kângmei laka inven pawimawhzia leh a kaihhnawih thil zirna an buatsaih.

Union Minister Siaha zin dawn

Sorkar laipui Union minister of state for Health & Family Welfare Prof. SP Singh Baghel chu February 14, 2024 khian Siahaah a zin dawn a; Siaha DC mini conference hall-ah nimin khan additional DC Lalnunmawii kaihhruaiin sorkar hotute'n Union Minister lo dawnsawn dan tur an sawiho. Venhim hna thawktu Police-te leh Health department hotute chu Union MoS lo zin huna atana inbuatsaihnaah ṭan la zual tura chah an ni.