MSSSB ṭhiahna tur atan notification tichhuak

Sorkar kaltain sorkar hna group B (non-gazetted) chin hnuai lam la tura a din Mizoram Subordinate Services Selection Board (MSSSB) ṭhiahna tur notification chu nimin khan Mizoram sorkarin a tichhuak.

Sorkar notification-a tarlan a nih dan chuan, June 25, 2019-a din MSSSB hi February 29, 2024-ah chuan ṭhiahfel vek tawh tur a ni. MSSSB chu an la chinfel loh chinfel ngaite February 16, 2024 hma-a chingfel vek tura tih an ni.

MSSB ṭhiah a nih dawn tâk avang hian Administrative department leh cadre controlling authority-te chu MSSSB-ah direct recruitment leh limited departmental examination tur thawn tawh lo tura tih an ni.