MLA-in kum upate zirtirna a hmanpui

Regional Resource Training Center (Senior citizen) Mission Foundation Movement, Ministry of Social Justice and Empowerment leh MUP Gen. Hqtr. huaihawtin nimin khan Dawrpui Multipurpose Center-ah 'Workshop on Elderly Issues' tih thupui hmangin kum upate tana hriattur pawimawh inzirtirna hun an buatsaih a, Aizawl South-II bialtu MLA Lalchhuanthanga'n a hmanpui.

Inkhawm hi MFM director R Vanlal-

zauva'n a kaihruai a, khuallian Lalchhuan-thanga chuan ZPM policy 'Bankaih' hmangin theihtawpin sorkar tharin hma a lak thu a sawi a, "Upate'n ngaihsak an mamawh a, kan ngaihsak tâwk lo niin a hriat a, ṭhalai zawkte'n upate ngaihsak kawngah kan ṭhanharh a ṭul," a ti a; sorkar pawhin upate hlutna chawinung turih a tih theihte tih zel an tum dawn thu a sawi.

He hunah hian clinical psychologist Lalchhanhima Sailo chuan Alzeimers natna chungchang leh Elderly Rights tih thupui hmangin Mizoram Law College asst. proffessor Lalremruati'n kum upate chanvo leh hamṭhatnate an sawifiah a; MFM project coordinator Esther Lalṭhachawii'n taksa insawizawi leh rilru hriselna chungchang a zirtir bawk.

Regional Resource Training Centre (Senior Citizen) Assam, Meghalaya, Arunachal Pradesh leh Mizoram kalpui tur hian Ministry of Social Justice and Empowerment chuan kum 2022 khan India rampum huapa diltu 100 chuang zingah Mission Foundation Movement hi a thlang a, MFM hian kumtluanin kum upate tan training, workshop, health camp leh geriatric caregiver training-te a kalpui ṭhin a ni.