MLA-in MUP khawmpui hmanpui

Taitesena Area MUP chuan nimin khan Darlakah khawmpui an hmang a, Hachhek bialtu MLA Robert Romawia Royte-in a hmanpui.

Robert Romawia chuan hnam changkang apiangin kum upate hlutna an hria tih sawiin, "Mizote pawhin kum upate hlutna hi kan hriatrenga,chhungkua leh khawtlangah pawh kan hlut zual a ngai a ni," a ti a, MUP member kalkhawmte chu tu leh fate ṭawngṭaipuia an entawn tlaka faina leh thianghlimna kawnga invawng turin a fuih.

Hachhek Bialtu MLA chuan MUP member-te chu phunchiar loa midang ṭhatna sawi uaratu leh fate hriata midang chhiatna sawi ri lo tura chahin, Hachhek bial tana rawngbawl puiah a sawm nghal.