Kea India ram kalchhuah tum

India ram kea kalchhuah tum Karnataka mi Krishna Nayaka (31) chuan state 15 a tlawh hnuaah February 2, 2024 khan Mizoram a lo thleng a; nimin khan Aizawl Press Club-ah thuthar thehdarhtute a kawm.

Krishna Nayaka hian ramchhung state hrang hrang leh rampawn hmun ṭhenkhata Yoga chungchang ngaihdan dik lo hrilhfiah tur leh a ṭhatnate mipui hrilhhre tura kea kal kual a nih thu leh, sik leh sa inthlak danglam nasat tawhzia leh thing leh mau pawimawh ziate a kalna state hrang hrang zirlaite hnenah a sawi ṭhin thu a sawi.

Krishna Nayaka hian kum 1 leh thla 4 chhungin kein km 11,000 a kal chhuak tawh a, India ramchhung chu kum 2025-ah fan chhuah a inbeisei. February 8, Ningani khan Aizawl a lo thleng a, Johnson College leh Aizawl College-te a tlawh dawn a ni.