MLA-in kawng siam enfiah

Tuichang bialtu MLA W Chhuanawma, deputy govt. chief whip ni bawk chuan nimin khan a bial chhunga Pradhan Mantri Gram Sadak Yojana (PMGSY) 2.0 hnuaia Khawzawl - Biate kawngpui km 60 a thui thawmṭhat hna thawh mek a enfiah.

PMGSY 2.0 hi March 31, 2024-a tawp tawh tur a nih avangin chak taka hna kalpui dan tur leh harsatna awm mekte chinfel dan tur an sawiho nghal a ni. Kawng hi package 10-ah km 6 ṭheuha ṭhen niin, cheng nuai 9,320.68 senna tura ruahman a ni.

Khawzawl-Biate kawng hi PMGSY 2.0 hnuaiah kum 2019-20 khan sanction a ni a, Mizoram PWD Project Division IV-te'n hun engemawchen an enkawl hnuah June 5, 2023 khan PWD Khawzawl Division-te kutah hlan a ni.