Danin a phût bak lak khap; la luite report tur an ni

Land Revenue and Settlement (LRS) secretary R Zarzosanga chuan tunhnai khan hriattirna tichhuakin, an department-a thawktute'n danin a phût ni lo chu an la tur a nih loh thu a tarlang a, chutiang la hriatte'n an report-na tur a tarlang.

LRS Secretary chuan kawng hrang hranga hma an laknaah langtlang, dik leh felfai zawka hna kalpui an tum avanga hriattirna hi chhuah a nih thu tarlangin, "LRS dept.-a thawkte hnenah sorkar danin a phût ni lo tumahin pawisa leh thildang pek tur a ni lo," a ti.

LRS Secretary tarlan danin, an dept.-a thawktu pawhin tu hnen aṭang pawha dan-in a sawi bak pawisa leh thil dang an lo la a nih chuan an chungah dan angin hremna lekkawh a ni ang.

Mizoram (Land Revenue) Act, 2073 leh Mizoram (Land Survey & Settlement Operation) Act, 2001 leh heng dan hnuaia rules-in a sawi anga sorkarin lei man (land revenue), chhiah (tax), thil man (fee), etc. a bituk zat bak LRS dept. hnuaia thawkte'n tu hnen aṭang mahin pawisa leh thil dang an dilin an phut tur a ni lo a, an la tur a ni lo.

Danin a phut bak la, LRS dept. hnuaia thawk hriate chuan joint director (admin) Lalhmansanga, email : Ihsansa1980@gmail.com, phone number - 0389 -2325366 / 961213 1887 ah report theih a ni.