Mipat hmeichhiatna vangin Police-in mi pathum an man
Cyber Crime Police-te chuan February 9, Zirtawpni zanlai khan social media-a mipat hmeichhiatna an hmang lai live tu mipa leh hmeichhe pakhat ve ve leh, account hawhtirtu hmeichhe pakhat an man.
Police-in an man takte lakah hian Cyber Crime Police-ah Mizoram State Commission for Women (MSCW) chuan suo moto hmangin thubuai an ziak lut ve ve. Police-te hian February 8, 2024 khan thubuai ziak lutin, MSCW hian February 9 khan an ziak lut thung.
Mi pathumte hi February 9 khan court-ah hruai an ni a, hmeichhe pahnih hi jail-ah dah luh nghal niin, mipa erawh bail-a chhuah a ni.
An pathum hian IT Act Section 67-A hmanga thubuai siamsak an ni a, police-te chuan a ṭul angte an chhui zui zel dawn.
MSCW chuan he thil thleng chungchanga an chhui chianna report chu kar khat chhunga an hnena report pe turin Cyber Crime Police-te an beisei.