MZP-in sikulah hulhliap an zar dawn

February 2, Inrinnia MZP emergency meeting chuan an huntiam chhung­a sorkarin hma a lak loh avangin naktuk hian Govt. Nepali Primary School, Rangvamualah hul­hliap an zar dawn.

MZP chuan Govt. Nepali Primary School zirlaite'n class room an indaih loh avangin hun rei tak sikul kawt tuala class an lak thu tarlangin, "MZP Branch, Rangvamualin hun rei tak a ta hma a lo lak tawhnain ngaihsak a hlawh tawk loh avangin February 7, 2024 khan a hmunah tlawh a ni," an ti.

Zirlaite ni sensa leh ruah sûr hnuaia class an kal pawi an tih thu tarlangin MZP chuan, "February 10, 2024 ral hma ngeia ruahmanna lailawk sorkar thuneituten an siam lo a nih chuan hma kan lak tur thu kan lo sawi tawh a ni," an ti a, hmalakna a awm tak loh avangin hulhliap an zar dawn thu an tarlang.

MZP chuan, Sikul hulhliap zar hnatlangah hian zirlaite hmakhaw ngaitu ṭhahnemngaite chu a tam thei ang ber thawk­chhuak turin an ngen.

Govt. Nepali Primary School, Rangvamual-ah hian zirlai 127 (nursery - 30, KG - 22, class I - 27, class II - 19, class III - 16, class IV - 13) an awm mek. Zirtirtu a nghet- pahnih, MR zirtirtu pakhat leh SEDP zirtirtu pakhat an nei.