Bial inkhawmpui a ṭiak

United Pentecostal Church of North East India hnuaia North Mizoram District, Aizawl East District, Lunglei District leh Chhimtuipui District huam chhunga pastor bial hrang hrang chuan February 9, Zirtawpni zan aṭang khan bial inkhawmpui an hmang a, nizan khan a ṭiak.

Bial inkhawmpuiah hian February 10, Inrinni khan rorel inkhawm neih a ni a; Pathianni chawhnu inkhawmah Lalpa Zanriah Sacrament kilhona leh bial inkhawmpui inkara kohhran member thite sunna hun hman a ni.

Bial hrang hrangah speaker-te'n thupui thlan bik hmangin Pathian thu an sawi a, revival programme-a hun hman a ni bawk.