A thlawna lung entirna buatsaih

Health minister Lalrinpuii hmalaknain Mizoram sorkar leh Sri Ramachandra Institute of Higher Education and Research; Sastra University Sri Shankara Heart Foundation, Chennai-te chuan February 9-10, 2024 khan Zoram Medical College (ZMC) ah lung ṭha lote tana a thlawn in en tirna (Superspeciality Cardiac Camp) an buatsaih.

Superspeciality Cardiac Camp-ah hian a ni khatnaah mi 217, a ni hnihnaah mi 83 an vaiin 300 an in entir. Damlo in entir aṭang hian mi 130 chu zai ngai an ni tih hmuhchhuah a ni a, heng zinga zai hmanhmawhthlak zual mi 50 te chu Ramachandra Medical Institute of Higher Education and Research, Chennai-ah zai an ni ang.

Damlo zai turte hi Chennai-a an chhuk thlakna mahni intum tur a ni ang a, inenkawlna dang zawng zawng, thlenna, ei leh in, damdawi man, test man leh an hawna man chu hospital hian a tumsak vek dawn a ni. Hemi hian damlo leh a kalpuitu mi pakhatte a huam ang.