Naupang 115 ṭanpuina tur pawm

Khawzawl District Sponsorship & Approval Committee chuan nimin khan additional DC Lalfakzuala hoin Mission Vatsalya hnuaia naupang ṭanpuina (sponsorship) dawng tura rawtnate an sawiho a, naupang 115-te dilna an pawm.

Ṭhukhawm hian kum 2023-24 chhunga sponsorship dawng turin naupang 115-te dilna pawm a ni a; nuapang pakhat hnenah thla tin ei leh in, hriselna leh zirna senso chhawmdawl nan Rs 4,000 zel pek ṭhin a ni. Khawzawl district-a naupang ṭanpuina mamawhte'n awlsam leh chak zawka ṭanpuina an hmuh theih nan mumal zawka Village Level leh Block Level Child Protection Committee tuaithar an rêl bawk.