MNF-in OB tur an thlang dawn

MNF Nomination Committee chuan nimin khan an party elected office bearer thlan hun tur atan March 15, 2024 an ruat a, inthlan kaihhnawiha ṭulte pawh an ruatfel nghal.

MNF Nomination Committee-in an rel dan chuan, February 26-28, 2024 chhung nomination a thehluh theih dawn a, nomination lutte chu February 29-ah endik a ni ang. Inhnukdawk duhte tan March 2 thleng hun hawn a ni.

MNF inthlan turah hian returning officer atan Dr Zoramdinthara (MZU), polling officer atan Prof. H Lalruatsanga (PUC) leh Asst. Prof. Lalthlamuana Ralte (PUC)-te ruat an ni.