NGOCC-in Union HM-ah Memorandum an thehlut

NGO Coordination Com-mittee (NGOCC) chuan nimin khan Union Home minister Amit Shah hnenah Indo - Myanmar ramri hung tum leh free movement regime (FMR) tihtawp chungchangah memorandum an thehlut.

NGOCC chuan FMR chu ram pahniha Mizote tana inpawhna ṭha tak a nih thu tarlangin, "Ramri hung leh FMR tihtawp hian ram pahniha Mizote unauna leh inpawhna kawngah nghawng ṭha lo nasa tak a nei dawn," an ti.

Ram pahniha Mizote in unauna leh inpawhna tihchak lam aiin ramri hung tum leh FMR tihtawp tum a nih chu hriatthiam harsa an tih thu NGOCC-te hian Union HM-ah hian an thlen a, ṭhulh turin an ngen.