Adviser to CM-in officer tharte a kawm

Aizawl West-I bialtu MLA TBC Lalvenchhunga, Adviser to CM chuan nimin khan a pisaah a bial chhung aṭanga Mizoram Combined Competitive Exam 2023 a tling mi pangate kawmin lawmpuina a hlan.

TBC Lalvenchhunga chuan, a bial chhung aṭanga officer tling tharte a lawmpui thu a sawi a, "Mizoramin officer ngaihtuahna thar leh kalphung thar tichhuak thei a mamawh a, thil dik lo chu huaisen takin dodal ngam ang che u. Dikna ṭan ngam sorkar hnathawkte tan ka inhawng reng," a ti a, rinawm tak leh taima taka hna an thawh a beisei thu a hrilh.