Chhiah hi ram mipuite enkawlna tura sorkarin a lâk a ni - Taxation Minister

Taxation minister Dr Vanlalthlana hoin nimin khan Taxation officer leh staff-te'n an auditorium-ah 'Sensitization and Consultative Meeting' an nei a; Dr Vanlalthlana chuan, "Chhiah hi ram mipuite enkawlna tura sorkarin a lak a ni," a ti.

Dr Vanlalthlana chuan, Taxation department chu Mizoram sorkar tan chhiah la luttu pawimawh ber pakhat a nih thu a sawi a, "Chhiah hi ram mipuite enkawlna tura sorkarin a lak a ni a, chhiah lakkhawm pung chho zel hian ram hmasawnna a keng tel. Chhiah petute'n awlsam taka chhiah an pek theihna tur hmanrua, a bikin computer leh internet hmanga department-in project hrang hrang a kalpui mek chu tichangtlung lehzual turin hmalak tum mek a ni," a ti a, mipui hnenah chhiah pawimawhna hrilh tam lehzual turin kalkhawmte a chah.

Ṭhutkhawm hi Taxation secretary Vanlal Chhuanga'n a kaihruai a; he huna tarlan danin, kum 2023-24 chhunga Mizoram sorkarin target a tuk chu cheng vbc 1000 (B.E.) a ni a, chu chu State's Own Tax Revenue vbc 1084.29 (B.E.) aṭanga chhûtin 92.22% a ni.

January 2024 thleng khan Taxation department chuan chhiah cheng vbc 922.83 a lakhawm tawh a; thla 10 chhungin thla tin cheng vbc 92.28 lalut zel ang a ni.