Ṭawi Bialtu MLA-in a bial a tlawh

Ṭawi bialtu MLA Prof. Lalnilawma, minister of state chuan nimin khan a bial chhunga Saitualah a department enkawl pathum - PHE, Rural Development, Horticulture pisa leh Saitual District Hospital a tlawh a, DC conference room-ah sorkar hotute a kawm nghal.

Prof. Lalnilawma chuan, department hotute'n an mamawh hrang hrang an sawi chungchangah, "Pawimawh tak tak ni mahse tun dinhmunah insawhngheh kum (year of consolidation) a nih ang takin a vaia tihhlawhtlin nghal rum rum a remchang dawn lo a, a tahtawl tê têa bawhzui ka lo tum ang," a ti a; Saitual Town Master plan bawhzui chu a ngaih pawimawh thu a sawi.

Minister hian Saituala tui dahkhawlna tlawhin, harsatna awm mekte leh siamṭhat dan tur a enfiah nghal a; DRO pisa a tlawhnaah thawktute'n office dinhmun, mamawh leh staff nghet an neih loh thute an lo thlen. Saitual District Hospital leh Horticulture office pawh tlawhin ṭul leh pawimawh hrang hrangte a sawipui nghal bawk.

Saitual Primary School II hnenah Ṭawi Bialtu MLA hian MLA fund aṭangin computer leh printer a pe.