Old Pension Scheme-ah sorkar laipui ngaichang

Mizoram Movement for Old Pension Scheme (MIMOPS) hruaitute chuan nimin khan chief minister Lalduhoma chu a pisaah an kawm. Chief Minister chuan Old Pension Scheme chungchangah sorkar laipui an ngaihchan mek thu a sawi.

Lalduhoma chuan inthlan hma khan MIMOPS chu thu an tiam ngam loh thu hrilhin, "A chhan chu central leh state study team-te zirchianna kan ngaichang phawt duh a ni. India ram pum huapa kan chai mek a nih avangin central sorkar zawk pawh hian a la rawn tidanglam duh hial mai thei. Tuna kan tihtheih chu Mizoram state study team-te ngaihchan phawt a ni a, anni pawh hian Central Study Team report an la ngaichang leh dawn," a ti a; report hmuh hnua sawiho leh a rawt.