Khawzawl district-ah gutkha khap

Khawzawl district magistrate K Lalrohlua chuan CrPC Section 133, 1973 in thuneihna a pek angin an district huam chhhung khawi hmunah pawh Gutkha leh Gutkha aṭanga siam eng chi pawh kawl leh zawrh a khap.

K Lalrohlua chuan tunlai hian an district chhung khaw hrang hrangah dan phal loha Gutkha leh Gutkha product a ruka kawl/zuar an awm nia hriat a nih thu tarlangin, "Heng Gutkha leh Gutkha product-te hi mihring tan a ṭha loin a hrisel lo hle a ni. Khawzawl district mipuite kan hrisel zawk nan heng Gutkha leh Gutkha product-te hi khapna thupek chhuah ngei ngaiin ka hria a ni. Kan district chhhung khawi hmunah pawh Gutkha leh Gutkha product eng chi pawh kawl emaw zawrh emaw khap tlat a ni," a ti.

Thupek hian thla hnih chhung a huam dawn a, khapna thupek bawhchhetute chu Section 188 IPC dan hmangin hrem theih an ni.