MIFCO Chairman-in thlai sawngbawlna tlawh

MIFCO chairman Lalṭhazuala Rawite chuan nimin khan Mizoram Food Processing Research & Training Centre, Phaibawk, Seling a mi a tlawh.

Mizorama thlai leh thei chi hrang hrang sawngbawlna leh training-na hmunpui hi ṭangkai zawka hman a nih theih dan turte leh Mizoram sorkar nen ṭha taka thawhho theih dan tur he hmun neitu Joseph Lalngaihawma Ralte leh MIFCO Chairman chuan an sawi dun.

Lalṭhazuala Rawite chuan Joseph Lalngaihawma hnathawh leh inpekna, entrepreneurship lama ṭhahnem a ngaihnate fakawm a tih thu sawiin, "Kut hnathawktute khaichhuahna tur bul, Mizoram sorkarin Hand Holding Policy a kalpui nena inhne rem tak a ni," a ti

MFPRTC hmun hi thei leh thlai sawngbawlna, zirbingna leh training-na hmun niin, ṭhalai tam tak training chhuak an awm tawh. MZU, RIPANS leh zirna-in hrang hrangten bakah Mizoram khaw hrang hranga kut hnathawktute tan a ṭangkai hle.