SYS Minister-in MZP pisa a tlawh

Sports & Youth Services minister Lalnghinglova Hmar chuan nimin khan MZP pisa a tlawh a, MZP hruaitute nen ram tana thawhho dan tur an sawiho.

Lalnghinglova Hmar chuan, SYS changtu a nih vanga MZP pisa hi tlawh a nih thu sawiin, "Mizo ṭhalaite leh zirlaite zingah ruihhlo (damdawi) ngawlvei leh ti thar an awm zel leh an pung chho zel hi a mangan thlak," a ti a, theih ang anga hmala turin MZP hruaitute a sawm.

MZP hruaitute chuan Mizo zirlaite leh ram leh hnam tana a department chan hnuaiah thawhpui an inhuam tih Lalnghinglova Hmar hi hrilhin, Sports department hnuaia sports infrastructure-te zirlaite tana hman ṭangkai theih tura ruahmanna siam turin an ngen nghal.

SYS Minister leh MZP hruaitute hian hun remchang hmasa berah thawhho zel dan tur sawiho ni se, an ti.