Aizawla veng fai ber - Republic VT

Urban Development & Poverty Alleviation (UDPA) minister K Sapdanga chuan nimin khan Award Ceremony of Mizoram Cleanliness Competition 2023 & Swachhata Symposium 2024 a hmanpui a; Aizawla veng fai ber Republic Vengthlang.

UDPA department chuan October 9, 2023 aṭanga November 30, 2023 chhung khan Mizoram Khawpui Fai Inelna 2023 a buatsaih a; khawpui fai inelnaah hian Mizoram chhunga notified towns 28 an tel. Category 1A-ah AMC chhunga local council 85 inelin, category 1B-ah LMC huamchhunga local council 24 an inel a ni. Category-2 chu Aizawl leh Lunglei khawpui tel loin district khawpui pakuate inelna a ni a; category 3-ah Urban Towns 17 an inel thung.

Khawpui Fai Inelna endik tur hian NGO hrang hrang aṭangin sorkarin panel of judges a ruat a, December 2023 chhungin endikna hi an kalpui a ni.

Mizoram Khawpui Fai Inelna hi Ministry of Housing & Urban Affairs-in kum tin a buatsaih ṭhin a; India ram khawpui fai endikna (Swachh Survekshan) atana Mizoram khawpuite inbuatsaih lâwk theihna tura neih ṭhin niin, Swachh Survekshan-ah hian Mizorama khawpui hrang hrangin lawmman 13 an dawng tawh.

Khawpui fai lawmman semna inkhawmah hian Swachhata Symposium neih nghal a ni a; bawlhhlawh sawngbawl dan ṭha zawk leh bawlhhlawh tuiril sawngbawl dan tur te, Mizoramin faina leh thianghlimna bakah, ram hmasawnna tura bawlhhlawh sawngbawl kawnga hmachhawp a neihte sawiho a ni.

Fai lawmman dawngtute :
Category-IA (AMC)
1-na Republic Vengthlang LC Rs 1,00,000
2-na Laipuitlang LC Rs 80,000
3-na Thakthing Veng LC Rs 60,000
Category-II (District khawpui)
1-na Serchhip Rs 3,00,000
2-na Khawzawl Rs 2,00,000
3-na Siaha Rs 1,00,000
Category-III (Urban Town)
1-na Biate Rs 3,00,000
2-na Phullen Rs 2,00,000
3-na Ngopa Rs 1,00,000
SPECIAL AWARDS
Fastest Mover : Lengpui Rs 50,000
Urban Town