Hnam movement kengtu kan ni - MNF Adviser

MNF chuan nimin khan an pisa-ah chhung inkhawm an nei a, thusawitu MNF adviser Denghmingthanga chuan an party chu hnam movement kengtu an nih thu a sawi.

Denghmingthanga chuan MNF chu Mizo hnam leh sakhua humhim tura Pathianin a ruat nia sawiin, "Ramriah pawh MNF hi inches khat pawhin a hnungtawlh duh lo. Hnam movement kengtu kan nih avangin BJP sorkar kan tawn gkawlh phah a, hmasawnna ruahman leh hmachhawp zawng zawng a tlawlh phah," a ti.

Raltlan tam tak, BJP sorkarin lo tuamhlawm an phal lohte an lo kuangkuah tih sawiin MNF Adviser chuan, "Kan tawng kawlh zual sauh sauh," a ti a, Pathianin hnam humhim tura a ruat an nih avangin Uniform Civil Code leh biometric-te thlengin an sorkar khan inthliarna awm theia an rin avangin an hnial thu a sawi.

Denghmingthanga chuan kan hnam leh sakhua humhim nan MNF sorkar kha a tlak phah a nia sawiin, "Mah se, Pathianin sakhua leh hnam himna tura a hmanrua a min hman avangin i lawm ang u," a ti.