MBKHP Inkhawmpui

 Mizoram Baptist Kohhran Hmeichhe Pawl (MBKHP) Inkhawmpui vawi 51-na leh rorel vawi 74-na chu February 15, Ningani zan aṭang khan Lungsen khuaa LGSC khelmualah neih a ni a; inkhawmpui thupui chu 'Tho la, i Pathian ko rawh - (Jona 1:6)' tih niin, Aizawl Central bialtu pastor Rev. K Lalnunsanga chu speaker a ni.

Nimin khan rorel inkhawm neih a ni a; tukin zing khan Bible Study leh Ṭawngṭai Inkhawm neih niin, chawhma lamah Chhawmdawlna In pual leh chawhnu lamah ramthim rawngbawlna (Mission) puala hun hman a ni. Pathianni chawhnuah Lalpa zanriah sacrament kilho a ni ang a, Pathianni zanah inkhawmpui hi a ṭiak ang.