Lirthei intlanchhawk hun tur

Aizawl Traffic SP Stephen Lalrinawma chuan Aizawl khawpuia lirthei intlanchhawk hun (timing) thar a tichhuak a; February 19, 2024 aṭanga September 30, 2024 chhung hman tur a ni.

Lirthei intlanchhawk hian lirthei zawng zawng - mimal, sorkar, bungraw phur bakah, district dang lirthei leh state pawna lirthei register-te a huam dawn a; lirthei intlanchhawk hian Inrinni, Pathianni leh sorkar chawlh (holiday)-te a huam lo ang.

Lirthei intlakchhawk hun
(Feb 19 - Sept. 30, 2024)

▶ Intlanchhawk hian zing dar 9:30 aṭanga tlai dar 6 thleng a huam.

▶ Taxi (LMV leh two wheeler)-te chu sticker A, B leh C hmanga intlanchhawk kalpui mek ang hian zing dar 9:30 aṭanga tlai dar 6 inkarah an intlanchhawk ang.

▶ Inrinni bikah chuan taxi-te hi chawhnu dar 1 aṭangin an vaia tlan phal a ni.

▶ Pathianni leh sorkar holiday-ah taxi-te hi an vaia tlan phal a ni.